ამერიკელმა სამთო მოთხილამურე მიკაელა შიფრინმა სეზონის ბოლო რბოლა, გიგანტური სლალომი მოიგო. მსოფლიო ტასზე ეს მისი 88-ე გამარჯვებაა, რომელთაგან 21 სწორედ გიგანტურ სლალომში აქვს მოპოვებული. ამასთან, შიფრინი 138-ედ ავიდა კვარცხლბეკზე.

შიფრინმა წელს ლეგენდარული შვედის, ინგემარ სტენმარკის რეკორდი (86 გამარჯვება მსოფლიო თასზე) გააუმჯობესა, თუმცა მის სხვა რეკორდამდე ჯერაც ბევრი რჩება: სტენმარკს კარიერაში 155 კვარცხლბეკი აქვს, შიფრინის ანგარიშზე კი ჯერჯერობით 17-ით ნაკლებია.

შიფრინს ქალ მოთხილამურეთა შორის, გიგანტური სლალომი ყველაზე მეტჯერ აქვს მოგებული. წინა რეკორდსმენი შვეიცარიელი გრანდი ვრენი შნაიდერია, ვის ანგარიშზეც 20 გამარჯვებაა. ამერიკელმა სეზონი 2 206 ქულით დაასრულა, რაც მისი პირადი რეკორდია. ის მეხუთედ დაეუფლა ბროლის დიდ გლობუსს. გარდა ამისა, მან ამ სეზონში, სლალომსა და გიგანტურ სლალომშიც მოიპოვა ბროლის (მცირე) გლობუსები.