NBA-ში მორიგი შეხვედრა ჩაატარა გოგა ბითაძის "ორლანდო მეჯიქმა". ქართველი კალთბურთელის გუნდი მიმდინარე რეგულარულ ჩემპიონატში 70-ე შეხვედრაში „ფინიქს სანსს“ შეხვდა და დაძაბულ ბრძოლაში 113:116 დამარცხდა.

საქართველოს ნაკრების კალათბურთელმა 8 წუთი ითამაშა, რა დროშიც: 2 ქულა, 5 მოხსნა, 1 პასი და 2 დაფარება მიითვალა. მისი მოედანზე ყოფნისას „მეჯიქი“ +9-თ დაწინაურდა, რაც სტუმართა საუკეთესი მაჩვენებელი იყო.

მატჩის ყველაზე შედეგიანი მოთამაშე კი ორლანდოელი ფულცი გახდა. 24 წლის ამერიკელმა საკუთარ გუნდს 25 ქულა, 9 მოხსნა, 7 პასი და 2 ჩაჭრა შესძინა, გამარჯვებულთაგან კი დევინ ბუკერი გამოირჩა, რომელმაც 19 ქულა, 5 მოხსნა და 2 შედეგიანი გადაცემა დააგროვა.

„ორლანდო მეჯიქს“ 70 მატჩიდან 28 მოგება და 42 მარცხი აქვს, რითაც აღმოსავლეთის კონფერენციაში მეცამეტე ადგილზე იმყოფება. ქართველი კალათბურთელის გუნდი მომდევნო თამაშს 18 მარტს სტუმრად „კლიპერსთან“ გამართავს.