„მანჩესტერ სიტის“ ფეხბურთელმა ხულიან ალვარესმა კლუბთან ახალი კონტრაქტი გააფორმა, რომლის თანახმად, ის „ეტიჰად სთედიუმზე“ 2028 წლამდე ითამაშებს.

არგენტინელი ფეხბურთელი, რომელიც ცოტა ხნის წინ მსოფლიოს ჩემპიონი გახდა, წელიწადში 3 მილიონ გირვანქა სტერლინგამდე გამოიმუშავებს.

23 წლის თავდამსხმელი „მანჩესტერ სიტიში“ პირველ სეზონს ატარებს და ყველა ტურნირზე ჩატარებულ 33 მატჩში 10 გოლი გაიტანა, 3-ჯერ კი საგოლე პასი გააკეთა. მანამდე ალვარესი სამშობლოში, „რივერ პლეიტის“ მაისურით თამაშობდა.