„ნაპოლის“ ფეხბურთელმა მარიო რუიმ „აინტრახტთან“ მატჩის წინ Prime Video-სთან ისაუბრა. პორტუგალიელმა მცველმა ხვიჩა კვარაცხელიაზეც გააკეთა კომენტარი.
როგორც მან აღნიშნა, თავიდანვე ადვილი შესამჩნევი იყო კვარას შესაძლებლობები, მაგრამ მას მომატების დიდი პოტენციალიც გააჩნია.
„კვარა საოცარ სეზონს ატარებს, მაგრამ თავიდანვე შესამჩნევი იყო ისეთი ფეხბურთელის დანახვა, როგორიც არის და შეიძლება გახდეს, რადგან მას ნამდვილად აქვს გაუმჯობესების დიდი რესურსი. წვლილი გუნდსაც მიუძღვის, იმიტომ, რომ ეს არის გუნდი, რომელიც ნებისმიერ ფეხბურთელს საუკეთესო მდგომარეობაში აყენებს“, - თქვა მარიო რუიმ.
