„მანჩესტერ იუნაიტედი“ ცხრიანის ძებნას კვლავ განაგრძობს. „წითელ ეშმაკებს“ არაერთი შემტევი დაუკავშირეს, ამჯერად კი მათ სამიზნეში „აინტრახტის“ თავდამსხმელი, რანდალ კოლო მუანი მოხვდა.



გერმანული ავტორიტეტული გამოცემა BILD-ის ინფორმაციით, „მანჩესტერ იუნაიტედმა“ ფრანგი შემტევის სანაცვლოდ 106 მილიონიანი შეთავაზება გაამზადა. 24 წლის შემტევს გერმანულ კლუბთან კონტრაქტი 2027 წელს უმთავრდება, თუმცა წყაროს ინფორმაციით, „აინტრახტი“ სარფიანი შემოთავაზების შემთხვევაში, თავის ერთ-ერთ საუკეთესო შემტევს შეელევა.

ამ სეზონში კოლო მუანიმ „აინტრახტის“ მაისურით თავი 16-ჯერ გამოიჩინა. გარდა ამისა, მან თავი მსოფლიო ჩემპიონატზეც გამოიჩინა, როგორც კარგი, ასევე ცუდი კუთხით, როდესაც ფინალის ბოლო წამებზე ერთი-ერთზე გასულმა ემილიანო მარტინესს ვერ გაუტანა.

„მანჩესტერ იუნაიტედს“ აქამდეც რამდენიმე შემტევი დაუკავშირეს, მათ შორის კი ყველაზე მეტად „ნაპოლის“ ნიგერიელ თავდამსხმელზე, ვიქტორ ოსიმენზე მიდის საუბარი.