ნორვეგიის ნაკრების მთავარმა მწვრთნელმა სტალე სოლბაკენმა ევროპის 2024 წლის ჩემპიონატის შესარჩევი ეტაპის საწყისი ორი მატჩისთვის შემადგენლობა დაასახელა.

მან ესპანეთისა და საქართველოს ნაკრებების წინააღმდეგ სათამაშოდ 26 ფეხბურთელი გამოიძახა. ბუნებრივია, განაცხადში არიან ნორვეგიელთა მთავარი ვარსკვლავები - ერლინგ ჰოლანდი და მარტინ ოდეგორი.

ნორვეგიის ნაკრების განაცხადი ასეთია:

მეკარეები: ორიან ნილანდი (ლაიფციგი), იაკობ კარლსტრიომი (მიოლდე), ეგილ სელვიკი (ჰაუგესუნი)

მცველები: კრისტოფერ აიერი (ბრენტფორდი), ბირგერ მელინგი (რენი), სტიან გრეგერსენი (ბორდო), ანდრეას ჰანჩე-ოლსენი (მაინცი), მარკუს პედერსენი (ფეიენოორდი), იულიან რიერსონი (დორტმუნდი), სტეფან სტრანდბერგი (ვალერენგა), ლეო ოსტიგორი (ნაპოლი)

ნახევარმცველები: ფრედრიკ აურსნესი (ბენფიკა), პატრიკ ბერგი (ბოდო გლიმტი), სანდერ ბერგე (შეფილდ იუნაიტედი), ოლა ბრინდჰილდესნი (მიოლდე), მატს მიოლერ დაელი (ნიურნბერგი), მოჰამედ ელიონუსი (საუთჰემპტონი), ოლა სოლბაკენი (რომა), მორტენ თორსბი (უნიონ ბერლინი), კრისტიან თორსტვეიდტი (სასუოლო), უგო ვეტლესენი (ბოდო გლიმტი), მარტინ ოდეგორი (არსენალი)

თავდამსხმელები: ერლინგ ჰოლანდი (მანჩესტერ სიტი), იორგენ სტრანდ ლარსენი (სელტა), ალეკსანდერ სორლოთი (სოსიედადი)

შეგახსენებთ, რომ საქართველოსა და ნორვეგიის ნაკრებთა მატჩი 28 მარტს, ბათუმში, 20:00 საათზე გაიმართება. მანამდე, 25 მარტს, საქართველო ამხანაგურ თამაშს მონღოლეთთან ჩაატარებს, ხოლო იმავე დღეს ნორვეგია ევრო 2024-ის შესარჩევში ესპანეთის ნაკრებს დაუპირისპირდება.

საქართველოს ნორვეგიასთან უარყოფითი ბალანსი აქვს: სამიდან სამი წაგება. 1996 წელს ნორვეგიელებმა სპარინგში იმარჯვეს, ხოლო 1999 წელს, ევრო 2000-ის შესარჩევ ეტაპზე თბილისში 4:1 და ოსლოში 1:0 მოიგეს.