„ლივერპულის“ მთავარმა მწვრთნელმა იურგენ კლოპმა „მანჩესტერთან“ მოგების (7:0) შემდეგ კომენტარი გააკეთა. როგორც გერმანელმა სპეციალისტმა აღნიშნა, ეს მატჩი კარგი დემონსტრირება იყო იმის, თუ როგორი შეიძლება იყოს „ლივერპული“.

„სიტყვები არ მაქვს, ფანტასტიკური მატჩი იყო, გამორჩეული. საუკეთესო ფეხბურთი ვითამაშეთ კარგ ფორმაში მყოფ გუნდთან. მეორე ტაიმის დასაწყისი საკმაოდ კარგი იყო და არც დასასრული გახლდათ ცუდი. ეს არის ფეხბურთი, ეს ხდება.

ეს არის ბიძგი, რომელიც გვინდოდა, ეს სწორი მიმართულებით წაგვიყვანს. ყველამ უნდა იცოდეს, რომ ჩვენ ისევ აქ ვართ. ეს თამაში კარგი დემონსტრირება იყო იმისა, თუ რა შეგვიძლია ვიყოთ, როგორი უნდა ვიყოთ ამიერიდან. დღეს ყველაფერი უმაღლეს დონეზე იყო. ჩვენთვის ძალიან მნიშვნელოვანი მოგება გახლდათ. ბევრი ქულაა გასათამაშებელი, დღეს კი ყველაფერი იდეალური იყო“, - თქვა კლოპმა.

შეგახსენებთ, რომ „ლივერპულს“ 42 ქულა აქვს და ჩემპიონთა ლიგის ზონას მხოლოდ 3 ქულით ჩამორჩება.