ფიფას ვერსიით 2022 წლის საუკეთესო ფეხბურთელი „პარი სენ ჟერმენისა“ და არგენტინის ნაკრების ვარსკვლავი ლიონელ მესი გახდა.

The Best Fifa Award-ის ჯილდო მესიმ კარიერაში მეორედ მოიგო, პირველად კი ეს 2019 წელს მოახერხა. ლეომ კილიან მბაპეს აჯობა, რომელიც მეორე პოზიციაზე გავიდა, ხოლო მესამე საფეხური დაიკავა კარიმ ბენზემამ.

აქვე ვთქვათ, რომ ფიფას ვერსიით წლის საუკეთესო ფეხბურთელი 2020 და 2021 წლებში რობერტ ლევანდოვსკი გახდა.

გამარჯვებულები სხვადასხვა ნომინაციებში გამოვლინდნენ, მათ შორის, 2022 წლის სამართლიანი თამაშის პრიზი საქართველოს ნაკრების ფეხბურთელმა, ლუკა ლოჩოშვილმა მიიღო!

საუკეთესო მეკარე

ემილიანო მარტინესი (ასტონ ვილა, არგენტინა)

არგენტინელი მეკარის კონკურენტები ტიბო კურტუა და იასინ ბონო იყვნენ, თუმცა მან ბელგიელ და მაროკოელ კიპერებს აჯობა.

წლის საუკეთესო გოლი (პუშკაშის ჯილდო)

2022 წლის საუკეთესო გოლის ავტორი ამპუტანტი პოლონელი ფეხბურთელი მარჩინ ოლექსი გახდა.

საუკეთესო მამაკაცი მწვრთნელი

ლიონელ სკალონი (არგენტინის ნაკრები)

სკალონის კონკურენტები კარლო ანჩელოტი და პეპ გვარდიოლა იყო, თუმცა, როგორც მოსალოდნელი გახლდათ, საუკეთესოდ არგენტინელი აღიარეს, რომელმაც „ალბისელესტეს“ მსოფლიოს ჩემპიონატი მოაგებინა.

საუკეთესო ქალი მწვრთნელი

სარინა ვიგმანი (ინგლისის ნაკრები)

სამართლიანი თამაშის პრიზი

ლუკა ლოჩოშვილი (კრემონეზე, საქართველო)

ქართველი ფეხბურთელი Fair Play-ს პრიზით დააჯილდოვეს. მან 2022 წლის 27 თებერვალს, ვენის აუსტრიას ფეხბურთელ გეორგ ტაიგლს მოედანზე პირველადი დახმარება აღმოუჩინა, რამაც ავსტრიელი ფეხბურთელის სიცოცხლე გადაარჩინა.

წლის საუკეთესო გულშემატკივრები

არგენტინის ნაკრების ქომაგები

წლის სიმბოლური ნაკრები

ტიბო კურტუა, ჟოაო კანსელო, ვირჯილ ვან დაიკი, აშრაფ ჰაკიმი, კაზემირო, კევინ დე ბრუინი, ლუკა მოდრიჩი, კარიმ ბენზემა, ერლინგ ჰოლანდი, კილიან მბაპე, ლიონელ მესი.

წლის საუკეთესო ქალი ფეხბურთელი

ალექსია პუტელიასი (ბარსელონა, ესპანეთი)

წლის საუკეთესო მამაკაცი ფეხბურთელი

ლიონელ მესი (პსჟ, არგენტინა)