ავტოსპორტი

0:20 | 27.02.2023 | ნანახია [] - ჯერ

ალონსო და „ასტონ მარტინი“ ძლიერ ტანდემად გამოიყურება

ფორმულა 1-ის წინასასეზონო ტესტებზე გამოვლინდა, რომ ფერნანდო ალონსოს და „ასტონ მარტინის“ კომბინაცია შესაძლოა მსოფლიო ჩემპიონატს ძლიერ ძალად მოევლინოს. 41 წლის ესპანელი პილოტი ინგლისურ გუნდში ახლახანს გადავიდა.

მსოფლიო ჩემპიონის ორი ტიტულის მოპოვების შემდეგ, ალონსო ყოველთვის არასწორ ნაბიჯს დგამდა და შესაძლოა, ესაა იმის მიზეზი, რომ მის ანგარიშზე ისევ მხოლოდ „რენოსთან“ ერთად მოგებული ორი ჩემპიონატია. თუმცა არაა გამორიცხული, რომ კარიერის მიწურულს, მან ნაბიჯი სწორი მიმართულებით გადადგა.

მან „ასტონ მარტინთან“, რომელშიც სებასტიან ფეტელი შეცვალა, ორწლიანი კონტრაქტი გააფორმა. რეალურად, მეოთხე ადგილზე გასული „ალპინიდან“, საშუალო გუნდში (მეშვიდე ადგილი კონსტრუქტორებში) გადაინაცვლა. მაგრამ ბაჰრეინის ტესტებმა აჩვენა, რომ „ასტონი“ აღმავლობის გზაზეა. რა თქმა უნდა, ჯერ ადრეა იმაზე ლაპარაკი, სეზონის განმავლობაში მათი ტანდემი ისეთივე შთამბეჭდავი იქნება, თუ ეს მხოლოდ სატესტოდ თავის გამოჩენა იყო.

ბევრი ფიქრობს, რომ „ასტონი“ „მერსედესს“ გაუტოლდება, ვისგანაც ძრავებით მარაგდება. მაგალითად, „რედ ბულის“ შეფი კრისტიან ჰორნერი ფიქრობს, რომ „ასტონ მარტინმა“ წინ დიდი ნაბიჯით წაიწია. სხვათა შორის, ხარების აეროდინამიკის ყოფილმა შეფმა დენ ფელოუსმა სწორედ ინგლისურ გუნდში გადაინაცვლა, სადაც ტექნიკური დირექტორის პოსტი ჩაიბარა. ჰორნერი ფიქრობს, რომ „ასტონის“ მანქანის კონცეპცია ერთ-ერთი საუკეთესო იქნება ჩემპიონატში.

„ჰაასის“ კევინ მაგნუსენი ამბობს, რომ „ასტონ მრტინს“ ტესტებზე კარგი ხანგრძლივი გამოსვლები ჰქონდა და სიჩქარითაც ერთ-ერთი საუკეთესო იყო.

სარეკლამო ადგილი - 15
120 x 600
0.123713