ჩოგბურთი

23:22 | 25.02.2023 | ნანახია [] - ჯერ

დუბაის ტურნირის ჩემპიონი ბარბორა კრეიჩიკოვა გახდა

ჩეხმა ბარბორა კრეიჩიკოვამ, დუბაის ტურნირის ფინალში, მსოფლიოს პირველი ჩოგანი, პოლონელი იგა სვიატეკი 6-4, 6-2 დაამარცხა და მიმდინარე სეზონში პირველი, კარიერაში კი მეექვსე ტურნირი მოიგო.

„ჩემთვის ეს ბევრს ნიშნავს. ეს შესანიშნავი კვირა იყო, რომლის განმავლობაში, ყოველ მომდევნო ეტაპზე უკეთ ვთამაშობდი. ფინალში კი ჩემთვის საუკეთესო ჩოგბურთი ვითამაშე. იგა მოტივაციას ყოველდღიურად მიძიერებს. ეს დიდი ფინალი იყო და მისი შედეგით ძალიან კმაყოფილი ვარ“, - განაცხადა კრეიჩიკოვამ.

კრეიჩიკოვა გახდა სულ მეხუთე ჩოგბურთელი, ვინც ერთსა და იმავე ტურნირზე, რეიტინგის ტოპ სამეულში შემავალი სამივე მოთამაშე დაამარცხა. მან ფინალიც დომინაციით დაიწყო - პირველივე გეიმში მიაღწია ბრეიკს. მეექვსე გეიმში სვიატეკმა საპასუხო ბრეიკს მიაღწია და ანგარიში გაათანაბრა - 3-3. მაგრამ ჩეხმა, ვინც 2021 წელს როლან გაროსის ჩემპიონი გახდა, მაშინვე კიდევ ერთხელ შეძლო მეტოქის მოწოდებაზე გეიმის მოგება. თუმცა უპირატესობა ისევ ვერ შეინარჩუნა.

და მაინც, კრეიჩიკოვამ მეცხრე გეიმშიც მიაღწია ბრეიკს, თან ისე, რომ მეტოქეს ერთი ქულაც არ დაუთმო. სვიატეკმა შეცდომებს უხშირა. ამან ჩეხს, სეტის თავის სასარგებლოდ დასრულების საშუალება მისცა.

კრეიჩიკოვა მეორე სეტშიც 4-2 დაწინაურდა და ამჯერად, მეტოქეს გაბრძოლების საშუალება აღარ მისცა. სვიატეკამდე მან დუბაიში ავსტრალიის ღიას ჩემპიონი და მსოფლიოს მეორე ჩოგანი, ბელარუსი არინა საბალენკა და რეიტინგში მესამე ადგილზე მყოფი ამერიკელი ჯესიკა პეგულა დაამარცხა.

კრეიჩიკოვამდე, ერთ ტურნირზე რეიტინგის პირველი საუკეთესო სამი ჩოგბურთელი შტეფი გრაფს, სერენა უილიამსს, ვენუს უილიამსს და საბალენკას ჰყავთ დამარცხებული.

სარეკლამო ადგილი - 23
250 x 500
სარეკლამო ადგილი - 14
120 x 600
0.117955