„ნაპოლის“ ფეხბურთელმა ვიქტორ ოსიმენმა თავის მომავალზე ისაუბრა. როგორც მან თქვა, დიდი კლუბების ინტერესი მისთვის დამატებითი მოტივაციაა, მომავალში კი რა მოხდება, მხოლოდ მისი გადასაწყვეტი არ არის, ეს კლუბის საქმეა.

„როდესაც ასე კარგად თამაშობ, ბუნებრივია, რომ მსოფლიოს საუკეთესო კლუბები გაკვირდებიან, განსაკუთრებით ტოპლიგებში. დიდი გუნდების ინტერესის მოზიდვა იმაზე მეტყველებს, რომ კარგად ვთამაშობ. ეს შესანიშნავია და მოტივაციას მაძლევს, რომ კიდევ უფრო მეტი გავაკეთო ჩემთვის და გუნდისთვის. თუმცა, ახლა „ნაპოლიზე“ ვარ ორიენტირებული და საბოლოო სიტყვაც კლუბს ეკუთვნის. მე უბრალოდ მინდა, ჩემს გუნდს დავეხმარო მატჩების და თასების მოგებაში. სეზონის დასრულების შემდეგ ვნახოთ რა მოხდება, მაგრამ ეს არ არის ჩემი გადასაწყვეტი, კლუბის გადასაწყვეტია“, - თქვა ოსიმენმა ESPN-თან.

შეგახსენებთ, რომ ვიქტორ ოსიმენმა „ნაპოლიში“ 2020 წლიდან დღემდე 86 მატჩში 48 გოლი გაიტანა, მიმდინარე სეზონი კი მისთვის საუკეთესოა, რადგან 24 შეხვედრაში 20 გოლი უკვე მიითვალა.