ავტოსპორტი

22:04 | 21.02.2023 | ნანახია [] - ჯერ

„ჰონდას“ ძრავებით ფორმულა 1-ის რამდენიმე გუნდი დაინტერესდა

„ჰონდას“ განცხადებით, მას ფორმულა 1-ის რამდენიმე გუნდმა მიმართა ძრავებთან დაკავშირებით. იაპონური კომპანია ფორმულა 1-ში 2026 წლიდან დაბრუნებას აპირებს, მას შემდეგ, რაც ძრავების ახალი ეპოქა დაიწყება.

„ჰონდას“ „რედ ბულთან“ შეთანხმება აქვს, რომლის შესაბამისადაც, ავსტრიული გუნდისა და მისი შვილობილი „ალფატაურისთვის“ ძრავებს იაპონიაში, 2025 წლამდე აწარმოებს. მაგრამ „რედ ბული“ 2026 წლიდან „ფორდთან“ დაიწყებს თანამშრომლობას. შესაბამისად, „ჰონდას“ საქმე ახალი პარტნიორი გუნდის ასარჩევად ექნება.

„რედ ბულმა“ იმავე „ჰონდას“ დახმარებით, თავის მილტონ კინსის ბაზაზე, ძრავების მწარმოებელი შტო შექმნა. სწორედ ეს შტო იმუშავებს „ფორდთან“ ერთად 2026 წლიდან. „ჰონდამ“ კი 2026-30 წლებში ძრავების მწარმოებლად რეგისტრაცია უკვე გაიარა.

„რეგისტრაციის შემდეგ, ჩვენ ფორმულა 1-ის რამდენიმე გუნდმა მოგვმართა. ჯერჯეროპბით ჩვენ ყურადღებით დავაკვირდბით, როგორ განვითარდება ფორმულა 1. ამ ეტაპზე, ჩვენ რაიმე კონკრეტული გეგმა არ გვაქვს იმასთან დაკავშირებით, დავბრუნდებით თუ არა ფორმულა ერთში. მაგრამ ვიცით, რომ ფორმულა ერთში ყოფნა, ჩვენ ტექნოლოგიურად განვითარებაში დაგვეხმარება“, - განაცხადა „ჰონდა რეისინგ კორპორეიშნის“ პრეზიდენტმა კოძი ვატანაბემ.

ის დასძენს, რომ ფორმულა 1-ის განვითარების მიმართულება, „ჰონდას“ ინტერესებს შეესაბამება, რომლის მიზანიც, ნულოვანი გამონაბოლქვის მიღწევა და ელექტრიფიკაციის ზრდაა.

სარეკლამო ადგილი - 23
250 x 500
0.110287