„ნაპოლის" პრეზიდენტი, აურელიო დე ლაურენტისი, მიმდინარე სეზონში მისი გუნდის წარმატებულ გამოსვლას გამოეხმაურა.

„საოცარია, რამდენი ადამიანია აღფრთოვანებული „ნაპოლით.“ არ მინდა ვთქვა, რომ ჩვენ ვართ საუკეთესო კლუბი, მაგრამ უკიდურესად კონკურენტუნარიანი და ყველაზე პატიოსანი კი გახლავართ.“ - ციტირებს დე ლაურენტისის სიტყვებს Football Italia.

ნეაპოლიტანელები სერია A-ს სატურნირო ცხრილს 23 ტურის შემდეგ 62 ქულით ლიდერობენ და უახლოეს მდევარ „ინტერს“ 15 ქულით უსწრებენ. ჩემპიონთა ლიგაზე კი მერვედფინალის პირველ მატჩში ფრანკფურტის „აინტრახტს“ დღეს, 21 თებერვალს შეხვდებიან სტუმრად. თბილისის დროით შეხვედრა ღამის 12 საათზე დაიწყება.