„ლივერპულს“ „პარი სენ-ჟერმენის“ თავდამსხმელის, ნეიმარის შეძენა შესთავაზეს - გვამცნობს Football Insider. წყაროს ინფორმაციით, ზაფხულის სატრანსფერო ფანჯარისას მერსისაიდულ კლუბს ბრაზილიელი ფორვარდის შეძენა 80-90 მილიონ ევროდ ურჩიეს.

მოგვიანებით ნეიმარის მომსახურება ასევე „მანჩესტერ სიტის,“ „მანჩესტერ იუნაიტედსა“ და „ნიუკასლს“ შესთავაზეს. თუმცა, დიდი ალბათობით, ინგლისის ჩემპიონატის ტოპ-კლუბები ბრაზილიელს მაღალი სახელფასო მოთხოვნილებების გამო არ შეიძენენ.

ნეიმარი პსჟ-ში 2017 წლიდან თამაშობს. ფეხბურთელის კლუბთან კონტრაქტის ვადა 2025 წლამდეა გათვლილი.

31 წლის ბრაზილიელმა მიმდინარე სეზონში პარიზულ კლუბში 29 მატჩი ჩაატარა, 18 ბურთი გაიტანა და 17 საგოლე გადაცემა შეასრულა.