ნიკოლოზ ბასილაშვილი დოჰას ტურნირის ძირითად ბადეში მოსახვედრად იბრძვის და კვალიფიკაციის ნახევარფინალური ბარიერი დაძლია.

ნიკოლოზი თურქ ჯემ ილქელს შეხვდა, რომელიც საათსა და 27 წუთში ორ სეტში დაამარცხა. პირველი სეტი ქართველმა ჩოგბურთელმა ნახევარ საათში 6:3 მოიგო, ხოლო მეორე სეტში მეტოქემ უფრო დიდი კონკურენცია გაუწია, თუმცა, მაინც მოიგო - 7:5.

ბასილაშვილმა 2 ეისი შეასრულა და 3 ორმაგი შეცდომა დაუშვა, ხოლო მის მეტოქეს ორმაგი შეცდომა არ ჰქონია და 7 ეისი მიითვალა.

ნიკოლოზ ბასილაშვილი კვალიფიკაციის ფინალში 19 თებერვალს, ბრიტანელ ლიამ ბროდის დაუპირისპირდება.