ცნობილი იტალიელი კომენტატორი რიკარდო კუკი ხვიჩა კვარაცხელიას თამაშით აღფრთოვანებულია.

რადიოკომენტატორმა აქტიური კარიერა გასულ წელს დაასრულა, სანამ კვარა სერია A-ში მოხვდებოდა. ამიტომაც, რიკარდომ სოციალურ ქსელში საჯაროდ დაწერა, რომ მისთვის დასანანია, კვარას თამაშების წაყვანა რომ არ მოუწია:

„პირველი ტაიმის შემდეგ ვიტყვი, რომ ჩემი სინანული გაიზარდა, კომენტატორობას თავი კვარაცხელიას „ნაპოლიში“ მისვლამდე რომ დავანებე“, - დაწერა მან, რომელიც იტალიაში თავის სფეროში ლეგენდადაა აღიარებული.

თუმცა, კუკი ერთადერთი არ არის, ვინც ქართველი „სასუოლოსთან“ გოლის შემდეგ შეაქო. „უდინეზეს“ ფეხბურთელმა დაწერა: „კვარაცხელია სერია A-ს საუკეთესო ფეხბურთელია. პატივისცემა ჩემგან“.

შეგახსენებთ, რომ ხვიჩა კვარაცხელიას მიმდინარე სეზონში ყველა ტურნირზე ჩატარებულ 24 მატჩში 12 გოლი აქვს გატანილი, 12 საგოლე პასი გააკეთა და სამჯერ პენალტი მოიპოვა.