„პარი სენ ჟერმენი“ კრიზისშია და როგორც ჩანს, გუნდის შიდა სამზარეულოშიც ყველაფერი რიგზე არაა. ბრაზილიელი ვარსკვლავი ნეიმარი ისევ სკანდალში გაეხვა, რადგან პოკერის სათამაშოდ შენიშნეს, არადა, პსჟ-მ „ბაიერნთან“ ახლახან წააგო, რამაც გულშემატკივრების იმედგაცრუება და გაბრაზება გამოიწვია.

პარიზელთა მთავარმა მწვრთნელმა კრისტოფ გალტიემ ამის შესახებ კომენტარი გააკეთა:

„ნეიმარს ველაპარაკე და ჩემი აზრი გამოვთქვი. ეს საუბარი ჩვენს შორის დარჩება, მაგრამ მას დასვენების დღე ჰქონდა, უყვარს პოკერის თამაში და ამის გაკეთების უფლება დასვენების დღეს აქვს“, - თქვა გალტიემ.

შეგახსენებთ, რომ „პარი სენ ჟერმენმა“ ბოლო სამი მატჩი წააგო: „მარსელთან“, „მონაკოსა“ და „ბაიერნთან“.