მადრიდის „რეალის“ ყოფილი ფეხბურთელი ხესე როდრიგესი კარიერას გენუის „სამპდორიაში“ გააგრძელებს. ტრანსფერი ოფიციალურად დადასტურდა.

ხესე გენუელებს თავისუფალი აგენტის სტატუსით შეუერთდა. ესპანელი ბოლოს თურქულ „ანკარაგიუჯუში“ თამაშობდა, სადაც გიორგი ბერიძის თანაგუნდელი იყო და კლუბთან კონტრაქტი იანვარში გაწყვიტა. მან თურქეთში 16 მატჩში 5 გოლი გაიტანა.

აქვე გეტყვით, რომ ხესეს მანამდე „რეალში“, „ლას პალმასში“, „ბეტისში“, პსჟ-ში, „სპორტინგსა“ და „სტოკში“ აქვს ნათამაშები.