გოგა ბითაძე „ინდიანა პეისერსის“ კალათბურთელი აღარ არის. ქართველი კალათბურთელი ინდიანაპოლისელებმა გუნდიდან გაუშვეს.

ტრეიდის ბოლო დღეს ბითაძის სხვა კლუბში გაცვლას ვარაუდობდნენ, მაგრამ ასე არ მოხდა და მას უბრალოდ კონტრაქტი გაუწყვიტეს. შედეგად, ქართველი ცენტრი თავისუფალი აგენტია და ნებისმიერ კლუბში გადასვლა შეუძლია.

გოგა ბითაძე 2019 წლის ზაფხულში დრაფტზე „ინდიანამ“ აირჩია. მას შემდეგ ის NBA-ში საშუალოდ 4.8 ქულას და 2.8 მოხსნას აგროვებდა. ამ პერიოდში ეროვნულ საკალათბურთო ასოციაციაში გოგამ 170 თამაში ჩაატარა.