დღეს დილით ლებრონ ჯეიმსმა NBA-ში ახალი რეკორდი დაამყარა. ის ლიგის ყველა დროის საუკეთესო მექულე გახდა. ამ მიღწევასთან დაკავშირებით ჯეიმსმა ლიგის წარმომადგენლებისა და კალათბურთელებისგან მილოცვები მიიღო:



ადამ სილვერი (ლიგის კომისარი): „ვულოცავ ლებრონს ერთ-ერთი ყველაზე დიდებული რეკორდის მოხსნას ყველა სპორტში, როგორიცაა NBA-ის ყველა დროის საუკეთესო მექულეობა. ეს საოცარი მიღწევაა, რომელიც მის 20-წლიან მოღვაწეობას თავიდან ბოლომდე ასახავს. კიდევ უფრო საოცარია ის, რომ ლებრონი ასეთ ელიტარულ დონეზე განაგრძობს ასპარეზობას და კალათბურთის ისტორია კვლავ იწერება“

კევინ დურანტი: „ელ, გილოცავ ლიგის ისტორიაში საუკეთესო მექულეობას. ეს კიდევ უფრო სასაცილოა იმის გათვალისწინებით, თუ საიდან მოდიხარ და რამდენი იშრომე ამისთვის. ეს ყველაფერი ჩემთვის ინსპირაცია იყო. დიდი სიყვარული ჩემგან“

მეჯიქ ჯონსონი: „ვაუ! ცხოვრებაში ვერასდროს წარმოვიდგენდი, რომ ორ ისეთ ათლეტს ვნახავდი, ვინც 38 000 ქულას დააგროვებდნენ. ჯერ კიდევ მახსოვს ის დღე, როდესაც ჩემმა გუნდელმა ამ ზღვარს გადააბიჯა“

კევინ ლავი: „ჭეშმარიტი სიდიადე. გასაოცრად მადლიერი ვარ, რომ შენი მოგზაურობის ნაწილი ვიყავი. ისტორია დაიწერა.“

დუაით ჰოვარდი: „მან მართლა თქვა, რომ საუკეთესო მექულე გახდებოდა. შემდეგ წავიდა და შეასრულა. გილოცავ მეფე ჯეიმს. უნდა დაიჯერო, რომ ნახო.“

ლებრონ ჯეიმსმა ისტორიული რეკორდი „ოკლაჰომა სითი თანდერის“ წინააღმდეგ გამართულ შეხვედრაში დაამყარა. მან მესამე პერიოდის ბოლოს, 10.9 წამით ადრე ზუსტი ორქულიანი ჩააგდო და NBA-ის ისტორიაში შევიდა.