ლონდონის „არსენალმა“ გაბრიელ მარტინესლისთან კონტრაქტი გაახანგრძლივა და გუნდის ერთ-ერთი მნიშვნელოვანი ფიგურა შეინარჩუნა.

21 წლის ბრაზილიელმა „მეთოფეებთან“ გააფორმა გრძელვადიანი კონტრაქტი 2027 წლის ზაფხულამდე, კიდევ ერთი სეზონით გახანგრძლივების ოფციით.

მიმდინარე სეზონში მარტინელიმ ყველა ტურნირზე 27 მატჩში 7 გოლი გაიტანა და 3 საგოლე პასი გააკეთა.

შეგახსენებთ, რომ „არსენალი“ პრემიერლიგას ლიდერობს, „მანჩესტერ სიტის“ 5 ქულით უსწრებს და თამაშით ნაკლებიც აქვს ჩატარებული.