„ნაპოლის“ მთავარმა მწვრთნელმა ლუჩანო სპალეტიმ გულშემატკივრებს მიმართა და უთხრა, რომ ახლა მათი მხარდაჭერა უფრო მნიშვნელოვანია, ვიდრე თავისი მუშაობა.

სპალეტიმ Radio Kiss Kiss Napoli-ის ეთერში მოულოდნელად ჩაერთო, როდესაც კლუბის მეკარე, პიერლუიჯი გოლინი ინტერვიუს აძლევდა. იტალიელმა სპეციალისტმა მხოლოდ ფანებს მიმართა:

„მივმართავ გულშემატკივრებს: ახლა მათი მხარდაჭერა უფრო მნიშვნელოვანია, ვიდრე ის, რისი თქმაც ფეხბურთელებისთვის მე შემიძლია. ჩვენთან ერთად იყავით, განსაკუთრებით ახლა. ყველაფერს გავაკეთებთ ქალაქისთვის, მაისურისთვის, კლუბისთვის და „ნაპოლის“ ისტორიისთვის. ახლა არ არის ინდივიდუალიზმის დრო, თქვენც ინდივიდებზე არ უნდა იფიქროთ. ყველანი ერთიანი, კომპაქტური უნდა ვიყოთ. სხვას არაფერს დავამატებ იმიტომ, რომ შაბათს „სპეციასთან“ მატჩის პრესკონფერენციაზე ვისაუბრებ“, - თქვა სპალეტიმ.

შეგახსენებთ, რომ „ნაპოლი“ სერია A-ს 53 ქულით ლიდერობს და უახლოეს მდევარ „ინტერს“ 13 ქულით უსწრებს. ნეაპოლელები მომდევნო მატჩს სტუმრად „სპეციასთან“ გამართავენ.