ევროლიგის 22-ე ტურში სერბული „ცრვენა ზვეზდას“ დამარცხების შემდეგ საქართველოს ნაკრების კაპიტანმა, თორნიკე შენგელიამ ოფიციალურ ვებ-გვერდთან კომენტარი გააკეთა:



„მსგავს სიტუაციაში ხშირად ვყოფილვართ, როდესაც პირველ ტაიმში კარგად გამოვიყურებოდით, თუმცა მესამე მეოთხედში ენერგია გვეცლებოდა. დღეს საკუთარი თავი 40 წუთის განმავლობაში მედგრად გვეჭირა, მხოლოდ რამდენიმე ცუდი მომენტი გვქონდა, თუმცა საბოლოოდ, ჩვენმა საბრძოლო სულისკვეთებამ დაცვაში და აგრესიულობამ შეტევაში, გამარჯვება მოგვიტანა. ამ გამარჯვებით უნდა ვისიამოვნოთ, რადგან წინ კიდევ ერთი რთული მატჩი გველოდება.“ - განაცხადა შენგელიამ

„ვირტუს ბოლონიამ“ „ცრვენა ზვეზდა“ 84:72 დაამარცხა, ქართველმა კალათბურთელმა კი პარკეტზე 26 წუთი გაატარა და თავის გუნდში საუკეთესო შედეგი დააფიქსირა - 15 ქულა, 4 მოხსნა და 4 შედეგიანი გადაცემა .

მომდევნო მატჩს „ვირტუს ბოლონია“ ევროლიგაზე 9 თებერვალს, „ბარსელონას“ წინააღმდეგ ჩაატარებს.