ElNacional-ის ცნობით, „ჩელსის“ ნახევარმცველმა, ნ'გოლო კანტემ, კარიერა, შესაძლოა, „ლივერპულში“ გააგრძელოს.

წყაროს ცნობით, „ლივერპული“ ზაფხულის სატრანსფერო ფანჯრისას კანტეს გადაბირებას ეცდება. მერსისაიდელთა მთავარი მწვრთნელი, იურგენ კლოპი, დარწმუნებულია, რომ კანტე მსოფლიო დონის ვარსკვლავია. მიუხედავად იმისა, რომ ხშირად ტრავმიანობს და აგვისტოს შემდეგ აღარ უთამაშია, გერმანელი სპეციალისტი მიიჩნევს, რომ ფრანგი გუნდს კარგად მოერგება, მისი შესანიშნავი ფიზიკური მონაცემების და ამტანობის გამო.

თანაც, ამ დროს ნ'გოლო უკვე თავისუფალი აგენტი იქნება და უფასოდ შეძლბს „წითლების“ რიგებში გადასვლას.

კანტე „ჩელსიში“ 2016 წლიდან თამაშობს. ფეხბურთელის კონტრაქტს ლონდონურ კლუბთან ვადა 2023 წლის 30 ივნისს ეწურება.