„ვალენსიადან“ ჯენარო გატუზო გაათავისუფლეს. ინფორმაცია ესპანური კლუბის ვებგვერდმა ოფიციალურად დაადასტურა.
კონტრაქტი მხარეებმა ურთიერთშეთანხმებით გაწყვიტეს. კლუბმა იტალიელ სპეციალისტს გაწეული სამუშაოსთვის მადლობა გადაუხადა.
ჯერჯერობით, უცნობია ვინ იქნება „ღამურების“ ახალი თავკაცი, მაგრამ დროებით გუნდს „ვორო“ უხელმძღვანელებს.
შეგახსენებთ, რომ „ვალენსიამ“ ლა ლიგაში ბოლო 10 მატჩიდან ერთი გამარჯვება მოიპოვა და გასავარდნ ზონას ერთადერთი ქულითაა დაცილებული.
