ვეტერანი ბელგიელი ფეხბურთელი რაჯა ნაინგოლანი იტალიაში დაბრუნდა და კარიერის „სპალში“ გააგრძელებს.

სერია B-ს კლუბმა 34 წლის ბელგიელი მიმდინარე სეზონის ბოლომდე დაიმატა, მაგრამ მხარეებს კონტრაქტის ერთი წლით ავტომატურად განახლების ვარიანტიც ექნებათ. აღსანიშნავია, რომ „სპალის“ მთავარი მწვრთნელი დანიელე დე როსია, რომლის თანაგუნდელი ნაინგოლანი „რომაში“ წლების განმავლობაში იყო.

ბელგიელი ბოლო ორი სეზონი „ანტვერპენში“ თამაშობდა, საიდანაც დისციპლინური დარღვევების გამო გაუშვეს. ხსენებული ორი წლის გარდა, მთელი კარიერა იტალიაში აქვს გატარებული, სადაც სხვადასხვა წლებში „პიაჩენცას“, „კალიარის“, „რომასა“ და „ინტერის“ ღირსებას წარმატებით იცავდა.