შვეიცარიელმა მარკო ოდერმატმა, იტალიის კორტინა დ’ამპეცოში გამართულ სუპერ-გიგანტის რბოლაში, დაძაბულ პაექრობაში აჯობა ნორვეგიელ ალეკსანდერ ომოდტ კილდეს.

ოდრმტმ მუხის ტრავმის გამო, წინა ორი ეტაპი გამოტოვა, მაგრამ მსოფლიო ჩემპიონატამდე (საფრანგეთში) ათი დღით ადრე დაამტკიცა, რომ ისევ ფორმაშია.

2.2-კილომეტრიან ტრასაზე მან ფინიშს წუთსა და 25.57 წამში მიღწია და 0.35 წამით ჩამოიტოვა კილდე. მესამე დრო იტალიელ მატია კასეს ჰქონდა.

„ასეთ შედეგს არ ველოდი. წარმოდგენა არ მქონდა, თუ დღეს რისი იმედი უნდა მქონოდა. უბრალოდ, უშეცდომოდ სრიალი ვცადე და გასასვლელიდან გასასვლელამდე, ყველაფერი კარგად გამომდიოდა. მე 14 ნომერი მომცეს და ვნახე სხვების გამოსვლა, რაც გამომადგა“, - ყვება ოდერმატი.

შვეიცარიელი მოთხილამურესთვის, ეს ამ სეზონში მეშვიდე გამარჯვებაა, რითაც სუპერ-გიგანტსა და აბსოლუტურ ჩათვლაში, მან ლიდერობა განიმტკიცა. ორივეგან მისი მთავარი მეტოქე კილდეა. სუპერ გიგანტში მათ 48 ქულა აშორებს, აბსოლუტურში კი სხვაობა 213 ქულაა.