ავტოსპორტი

22:05 | 27.01.2023 | ნანახია [] - ჯერ

"ფორდი" ფორმულა 1-ში დაბრუნებას განიხილავს

"ფორდი" ფორმულა 1-ში დაბრუნებით დაინტერესდა. ამერიკული კომპანიის ინტერესს ის გარემოება იწვევს, რომ შეერთებულ შტატებში ფ1 სულ უფრო მეტად პოპულარული ხდება და მალე ეს ქვეყანა სამ ეტაპს უმასპინძლებს.


კულუარებში გავრცელებული ინფორმაციით, "ცისფერი ოვალი" მოლაპარაკებას აწარმოებს "რედ ბულთან" და სურს, რომ ავსტრიული გუნდის ძრავები, 2026 წლიდან "ფორდის" სახელს ატარებდეს. უფრო მეტიც, არის ვარაუდი იმისა, რომ მხარეები ხელშეკრულებას ახალი სეზონის დაწყებამდე გააფორმებენ.
"ფორდი" ფორმულა 1-ში ბოლოს 2000-2004 წლებში ასპარეზობდა და მაშინ მისი სახელი "კოსუორტის" ძრავებს ეწერა. შემდეგ დირბორნელებმა დიდი პრიზების ცირკი დატოვეს და ყურადღება რალის მსოფლიო ჩემპიონატზე გადაიტანეს. თუმცა ახლა, როცა ფ1 სულ უფრო პოპულარული ხდება არამხოლოდ ამერიკაში, არამედ მთელ მსოფლიოშიც, კომპანიის ხელმძღვანელობა ფ1-ში დაბრუნებით დაინტერესდა.
"ფორდ პერფორმენსის" შეფი მარკ რაშბრუკი არ მალავს, ფ1-სადმი ინტერესი მთელ მსოფლიოში არნახულად გაიზარდა, რაც თავად რბოლების გარდა, დოკუმენტურმა სერიალმა "დრაივ თუ სარვაივმაც" განაპირობა.
რაც შეეხება "ფორდს" რაშბრუკი ამბობს, რომ მისი კომპანიისთვის ფ1-ს განვითარების მხრივ, დიდი მნიშვნელობა აქვს. კითხვაზე, რომელიც ფ1-ში დაბრუნებას ეხება, რაშბრუკი მოკლედ პასუხობს - სპეკულაციებზე კომენტარებს არ ვაკეთებთო.

სარეკლამო ადგილი - 13
120 x 600
სარეკლამო ადგილი - 15
120 x 600
0.103695