ხვიჩა კვარაცხელია გამოჯანმრთელდა და დღეს გუნდთან ერთად ივარჯიშა. როგორც „ნაპოლის“ ვებგვერდი იტყობინება, ქართველმა ფეხბურთელმა მთელი საწვრთნელი სესია გუნდთან ერთად გაატარა.

ეს იმას ნიშნავს, რომ კვარას პრობლემა აღარ აქვს და „რომასთან“ უახლოეს ტურში მისი თამაში საეჭვო არაა. მოგეხსენებათ, ქართველ ფეხბურთელს სიცხის გამო ერთი კვირა გაუცდა და ორი მატჩის გამოტოვებაც მოუწია „კრემონეზესა“ და „სალერნიტანას“ წინააღმდეგ.

ხვიჩა კვარაცხელიამ მიმდინარე სეზონში ყველა ტურნირზე ჩატარებულ 20 მატჩში 9 გოლი გაიტანა, 10 საგოლე პასი გააკეთა და სამჯერ პენალტი მოიპოვა. „ნაპოლისა“ და „რომას“ მატჩი 29 იანვარს, თბილისის დროით 23:45 საათზე გაიმართება.