თამაშგარე

17:30 | 23.01.2023 | ნანახია [] - ჯერ

შაკირა, პიკე და მარწყვის ჯემი

მას შემდეგ, რაც კოლუმბიელმა მომღერალმა შაკირამ თავის ყოფილ ქმარს და ვეტერან ფეხბურთელ ხერარდ პიკეს დამამცირებელი და შეურაცხმყოფელი სიმღერა მიუძღვნა, დღე ისე არ გავა, რომ ევროპის ბულვარულმა მედიამ ამ ერთ დროს მტრედებივით მოღუღუნე წყვილს შორის არსებულ დაპირისპირებაზე რამე ახალი არ მოიძიოს და გაავრცელოს.

ამასწინათ, ერთ-ერთი ესპანური გამოცემა იუწყებოდა, რომ შაკირასა და პიკეს შორის მტრობის და წივილ-კივილის დაწყების მიზეზი არც მეტი, არც ნაკლები, მარწყვის ჯემი გახდა, რომელიც მომღერალმა პიკეს მანქანაში იპოვა. პიკეს მსგავსი სასუსნავი არ უყვარს და შაკირამაც მიიჩნია, რომ მანქანაში ყოფნის დროს „ბარსელონას“ ყოფილი მცველის რომელიმე საყვარელი იტკბარუნებდა პირს.

ნამდვილად არ ვიცით, ჯემის აღმოჩენისას შაკირამ შესძახა თუ არა: „აი შე აფერისტოო“ და სწვდა თუ არა ყელში ბეყეირათ ხერარდს, მაგრამ თუკი მათ შორის გაჩენილი ბზარის მასშტაბს გავითვალისწინებთ, შორს არაა ის დრო, როდესაც შაკირა წითელ ჯემპრსა და ყვითელ პალტოში გამოეწყობა.

სკანდალური სიმღერა რომელიც შაკირამ ხერარდ პიკეს მიუძღვნა:

0.11493