როგორც ხორვატიის ფეხბურთის ფედერაცია იუწყება, “ლივერპულის” ცენტრალური მცველი დეიან ლოვრენი ტრავმირებულია. ხორვატმა ფეხბურთელმა ტრავმა სანაკრებო ვარჯიშის დროს მიიღო. წმინდა ეკატერინეს ჰოსპიტალში ჩატარებული გამოკვლევის შემდეგ, ექიმ იგორ ბორიჩის დასკვნის საფუძველზე, დეიანს ბულგარეთთან და აზერბაიჯანთან ევრო2016-ის შესარჩევი თამაშების გამოტოვება მოუწევს.
ბრენდან როჯერსის გუნდში ლოვრენის გარდა ტრავმირებულია ემრე კანი, ჯო ალენი, დანიელ სტარიჯი, სახო, შკრტელი და კოლო ტურე, რომელთაც გარკვეული პერიოდი უკვე გაუცდათ.
