ფეხბურთი

12:23 | 23.01.2023 | ნანახია [] - ჯერ

კვიპროსულმა მედიამ მურთაზ დაუშვილის თამაში გამოარჩია

გუშინ კვიპროსის ჩემპიონატში „აპოელმა“ „ხლორაკა“ 2:0 დაამარცხა, კვიპროსულმა გამოცემებმა კი ქართველი ფეხბურთელების, განსაკუთრებით კი მურთაზ დაუშვილის თამაში გამოარჩია.



„მურთაზ დაუშვილი „აპოელის“ მაისურით შესანიშნავ თამაშს განაგრძობს. 33 წლის ქართველმა საყრდენმა ნახევარმცველმა თამაში ზუსტად იმ ტემპით განაგრძო, რომლითაც „კარმიოტისასთან“ გაჩერდა. „ხლორაკას“ წინააღმდეგ ის ვლადან მილოიევიჩის გუნდში ერთ-ერთი გამორჩეული იყო, 64-ე წუთზე კი დონისს საგოლე გადაცემაც გაუკეთა და „აპოელში“ გადმოსვლისას აქტივში პირველად ჩაიწერა საგოლე პასი. მილოიევიჩის ერთ-ერთი თვისება ის არის, რომ ის ყველა მოთამაშისგან საუკეთესო თვისებების გამოვლენას ახერხებს, ეს ყველაფერი კი „აპოელის“ კვიპროსული ფეხბურთის მწვერვალზე დასაბრუნებლად ძალიან საჭიროა.“ - წერია კვიპროსულ გამოცემა „კერკიდაში“.

გუშინდელ შეხვედრაში „აპოელის“ მაისურით მორიგი გოლი გაიტანა გიორგი ქვილითაიამაც. ძირითად შემადგენლობაში იყო ლაშა დვალიც და მანაც კარგი შეფასება დაიმსახურა.

20 ტურის შემდეგ „აპოელი“ 46 ქულით მე-2 ადგილს იკავებს.

სარეკლამო ადგილი - 13
120 x 600
სარეკლამო ადგილი - 15
120 x 600
0.114574