„მილანის“ მთავარმა მწვრთნელმა სტეფანო პიოლიმ „ლეჩესთან“ მატჩი (2:2) შეაფასა და განაცხადა, რომ მისმა გუნდმა პირველ ტაიმში ძალიან ბევრი შეცდომა დაუშვა.

„პირველ ტაიმში ყველაფერი არასწორად გავაკეთეთ, შემდეგ კარგი რეაქცია გვქონდა და მოგება შეგვეძლო, მაგრამ უკეთესად უნდა ვითამაშოთ. პირველი გოლის დროს შეცდომა აშკარა იყო, ამან თამაში გაგვირთულა.

გასულ სეზონთან შედარებით იმავე რაოდენობის ქულები გვაქვს ამ ეტაპისთვის, მაგრამ რა თქმა უნდა, შეგვეძლო ეს წელი უკეთესად დაგვეწყო. უფრო ზუსტი უნდა ვიყოთ და წვრილმანი შეცდომები თავიდან ავიცილოთ. ეს თამაში უნდა გავაანალიზოთ, რათა გავიგოთ, რა არ გამოგვივიდა“, - თქვა პიოლიმ.

შეგახსენებთ, რომ „მილანი“ 38 ქულით სერია A-ში მეორე ადგილზეა, მომდევნო მატჩს კი 18 იანვარს, იტალიის სუპერთასზე „ინტერთან“ გამართავს.