იტალიის სერია A-ს მე-18 ტურში „ნაპოლი“ „იუვენტუსს“ უმასპინძლებს. მატჩამდე ერთი დღით ადრე ცნობილი იტალიელი ჟურნალისტი პაოლო ბარჯიჯა სოციალურ ქსელში წერს, რომ ხვიჩა კვარაცხელია შესაძლოა ძირითად შემადგენლობაში არ იყოს.

როგორც ის იტყობინება, ლუჩანო სპალეტი თავის სტაფთან ერთად ელიფ ელმასის სასტარტოში გამწესებაზე სერიოზულად ფიქრობს, მაგრამ ჯერ საბოლოო გადაწყვეტილება არ მიუღია.

„სპალეტი ფიქრობს მოულოდნელ სცენარზე: ელმასი კვარაცხელიას პოზიციაზე პირველივე წუთიდან ათამაშოს. ჯერ ეს გადაწყვეტილი არ არის, მაგრამ მწვრთნელი და თავისი სტაფი ამაზე სერიოზულად ფიქრობენ“, - წერს ბარჯიჯა.

აღსანიშნავია, რომ სხვადასხვა იტალიური გამოცემების სავარაუდოდ ძირითად შემადგენლობაში ამ დრომდე კვარაცხელია ფიგურირებს.

შეგახსენებთ, რომ „ნაპოლისა“ და „იუვენტუსის“ მატჩი 13 იანვარს, თბილისის დროით 23:45 საათზე გაიმართება.