ინგლისის EFL თასის 1/4 ფინალში „ნიუკასლმა“ „ლესტერი“ 2:0 დაამარცხა და ტურნირის ნახევარფინალში 47 წლის შემდეგ პირველად გავიდა.



მატჩი „ნიუკასლის“ უპირატესობით წარიმართა და მე-60 წუთზე გუნდი დენ ბერნმა დააწინაურა. მეორე გოლი კი ჟოელინტონმა 72-ე წუთზე გაიტანა და „ჯორდებს“ ნახევარფინალის საგზური მოუტანა. ბოლოს „ნიუკასლი“ ამ ეტაპზე 1976 წელს იყო გასული, საიდანაც ფინალშიც გააღწია, თუმცა იქ დამარცხდა.

მას შემდეგ, რაც „ნიუკასლი“ საუდის არაბეთის წარმომადგენლებმა ჩაიბარეს, გუნდი წარმატებით ასპარეზობს. პრემიერ ლიგაში ედი ჰაუს შეგირდები მე-3 ადგილს იკავებენ, თასზე კი ნახევარფინალშიც გავიდნენ.

ბოლოს „ნიუკასლი“ ფინალში 1999 წელს გავიდა, ბოლო ტიტული კი გუნდმა 1969 წელს მოიპოვა, როდესაც Inter-Cities Fairs Cup-ი აღმართა. ამჯერად მათ შანსი აქვთ, რომ ეს მშრალი სერია დაასრულონ.

„ნიუკასლის“ გარდა მომდევნო ეტაპზე გავიდა „მანჩესტერ იუნაიტედიც“, რომელმაც „ჩარლტონი“ 3:0 დაამარცხა. „ნოტინგემ ფორესტი“ - „ვულვზისა“ და „საუთჰემპტონი“ - „მანჩესტერ სიტის“ დაპირისპირებები კი ამაღამ გაიმართება.