საქართველოს ვაჟთა 82-ე ჩემპიონატის მონაწილეებმა მეხუთე ტურის შეხვედრები გამართეს. პარტიები საკმაოდ დაძაბულ რეჟიმში მიმდინარეობდა, რაც უჩვეულოა ქართული ვაჟთა ჭადრაკისთვის.

პრაქტიკულად ყველა პარტიაში ბოლომდე მიმდინარეობდა ბრძოლა. საინტერესო ბრძოლის და ორმხრივი შეცდომების შემდეგ ყაიმით დასრულეს შეხვედრა, ჩემპიონატის ლიდერებმა: გიგა ყუფარაძემ და გაიოზ ნიგალიძემ.

უშანსოდ გადაითამაშეს მეტოქეები მიხეილ მჭედლიშვილმა და თორნიკე სანიკიძემ.

დებიუტშივე გაათანაბრა პოზიცია შავი ფერებით მოთამაშე კაჭარავამ გაგუნაშვილთან პარტიაში და დიდი პერიპეტიების გარეშე დაასრულა ყაიმით.

კარო-კანის დაცვაში შავებით გადაითამაშა დავით მაღალაშვილი ლუკა პაიჭაძემ და მნიშვნელოვან უპირატესობასაც ფლობდა. მაგრამ, რამდენიმე უზუსტობის შემდეგ ყაიმზე მოუწია შეთანახმება.

ამრიგად, ხუთი ტურის შემდეგ ჩემპიონატს ორი ლიდერი ჰყავს: გიგა ყუფარაძე და მიხეილ მჭედლიშვილი!

მეხუთე ტურის შედეგები:

გაგუნაშვილი ½:½ კაჭარავა

მაღალაშვილი ½:½ პაიჭაძე

თუთისანი 0 : 1 მჭედლიშვილი

ყუფარაძე ½:½ ნიგალიძე

სანიკიძე 1 : 0 პეტრიაშვილი

მეექვსე ტურის შეხვედრები:

კაჭარავა - პეტრიაშვილი

ნიგალიძე - სანიკიძე

მჭედლიშვილი - ყუფარაძე

პაიჭაძე - თუთისანი

გაგუნაშვილი - მაღალაშვილი

სატურნირო მდგომარეობა:

I – II - ყუფარაძე, მჭედლიშვილი- 4 ქულა

III - ნიგალიძე -3,5 ქულა;

IV-V - სანიკიძე, გაგუნაშვილი - 3 ქულა;

VI - პაიჭაძე - 2,5 ქულა;

VII - მაღალაშვილი - 2 ქულა;

VIII - კაჭარავა - 1,5 ქულა;

IX - პეტრიაშვილი - 1 ქულა;

X - თუთისანი - 0,5 ქულა

ჭადრაკის სასახლეში მიმდინარე საქართველოს ვაჟთა 82-ე ჩემპიონატის, უმაღლესი ლიგის საპრიზო ფონდი 30 000 ლარს შეადგენს, საიდანაც გამარჯვებულის წილად 10 000 ლარი მოდის. ხოლო საპრიზო სამეულში გასული მონაწილეები სრულად დაფინანსდებიან ევროპის პირად ჩემპიონატზე ვაჟთა შორის.

საქართველოს ჭადრაკის ფედერაციის ოფიციალური ფეისბუქ-გვერდი