სხვა

0:48 | 9.01.2023 | ნანახია [] - ჯერ

შიფრინმა ვონის რეკორდი გაიმეორა

ამერიკელმა მიკაელა შიფრინმა სლოვენიის კრანსკა გორაში გიგანტური სლალომის რბოლა მოიგო და მსოფლიო თასზე მოპოვებული გამარჯვებების რაოდენობით (82), ქალ სამთო მოთხილამურეთა რეკორდი გაიმეორა. აქამდე ეს რეკორდი მხოლოდ მის თანამემამულე ლინდსი ვონს ეკუთვნოდა.

შიფრინმა ორი ცდა ჯამში წუთსა და 52.53 წამში დაასრულა და 0.77 წამით აჯობა მეორეზე გასულ იტალიელ ფედერიკა ბრინიონეს. 27 წლის შიფრინს ოთხი მოგებაღა აშორებს ლეგენდარული შვედის, ინგემარ სტენმარკის რეკორდამდე.

„ძალიან ვნერვიულობდი, სახეზეც კი გამომაყარა. არ ვიცი, შეიძლება იმიტომ, რომ 82-ე გამარჯვება ძალიან მინდოდა. ახლაც არ მჯერა. ეს ნამდვილი ბრძოლა იყო. სტარტამდე ჩემმა მწვრთნელებმა მითხრეს, რომ ტრასა შეტევისთვის საუკეთესო მდგომარეობაში იყო. ასე რო, ისღა დამრჩენოდა, შემეტია“, - ყვება შიფრინი.

ამ გამარჯვების შემდეგ, ამერიკელი მსოფლიო თასის აბსოლუტურ ჩათვლაში ლიდერია და უახლოეს მდევარს, სლოვაკ პეტრა ვლჰოვას 419 ქულას უგებს.

0.115019