გლაზგოში გასამართი შეხვედრის წინ შოტლანდიის ნაკრების ფეხბურთელმა სკოტ ბრაუნმა “სკაი სპორტთან” კომენტარი გააკეთა.
“გლაზგოში რთული მატჩი გველის. ამასთან, ჩვენ გვყავს კარგი ფეხბურთელები. მათ შეუძლიათ გამარჯვება მოიპოვონ მნიშვნელოვან შეხვედრაში. არ ვამბობთ, რომ მომდევნო 2 მატჩში ექვსი ქულის მოპოვებას ვაპირებთ. გამარჯვებებს მატჩიდან მატჩამდე, თამაშიდან თამაშამდე უნდა მივაღწიოთ. წინასწარ ქულებზე საუბარი მიზანშეწონილი არ მგონია”, - აღნიშნა ბრაუნმა.
შოტლანდიელ ფეხბურთელს ჟურნალისტებმა ჯგუფური ეტაპის პირველი ტურის თბილისური მატჩის შესახებ ჰკითხეს, როცა საქართველომ საკუთარ მოედანზე ირლანდიასთან წააგო.
“არ ვაქცევ ყურადღებას, როგორ სრულდება სხვა შეხვედრები. ჩვენ არ გვსურს ვიფიქროთ სხვა მატჩებზე. გვსურს კონცენტრაცია საკუთარ თამაშზე გავაკეთოთ, ზრუნვის საგანს ჩვენი მონაწილეობით გამართული შეხვედრები წარმოადგენენ”, - დაასრულა ბრაუნმა.
