ვეტერანმა ბელარუსმა ფეხბურთელმა ვიტალი კუტუზოვმა იტალიურ მედიასთან ხვიჩა კვარაცხელიაზე ისაუბრა და ქართველი შემტევი შეაქო. როგორც მან თქვა, ადვილი არ იყო ახალ გარემოსთან ადაპტაცია, რაც კვარაცხელიამ ძალიან ადვილად მოახერხა.
„ბოლო თამაშში მან ვერ შეძლო თავისი შესაძლებლობების ჩვენება, მაგრამ პირველ წრეში ყველა თავისი თვისება გამოავლინა. ის იტალიაში ჩავიდა და ძალიან სწრაფად შეეგუა „ნაპოლის“ თავისებურებებს, რაც ადვილი არ იყო. მწვრთნელმაც კარგად იმუშავა, რომელმაც მისი გამოყენების სწორი გზა იპოვა.
კვარაცხელია კარგად მუშაობს და შეუძლია თავისი თვისებების დემონსტრირება, „ნაპოლისთვის“ ეს ძალიან მნიშვნელოვანი ტრანსფერი იყო“, - თქვა კუტუზოვმა.
შეგახსენებთ, რომ ვიტალი კუტუზოვი თავის დროზე „მილანის“, „აველინოს“, „სამპდორიას“, „პარმას“, „პიზას“ და „ბარის“ რიგებში თამაშობდა.
