„ნაპოლის“ მთავარმა მწვრთნელმა ლუჩანო სპალეტიმ „ინტერთან“ მარცხის შემდეგ (0:1) კომენტარი გააკეთა. როგორც იტალიელმა სპეციალისტმა აღნიშნა, მისმა გუნდმა თავისი შესაძლებლობები ვერ აჩვენა და დაბალ დონეზე ითამაშა.

„მათ ის გააკეთეს, რასაც ყოველთვის აკეთებენ, მაგრამ ჩვენ ბურთით უფრო სწრაფად უნდა გვეთამაშა. ვერ მოვახერხეთ ჩვეული ხარისხით ბურთის მოძრაობა, ყოველთვის ნელა ვმოქმედებდით. ჩვენს შესაძლებლობებზე ნაკლები ხარისხით ვითამაშეთ, მეტი შეგვიძლია.

ვიმეორებ, უფრო სწრაფები უნდა ვყოფილიყავით და მეტი ხარისხით გვეთამაშა, რადგან წინააღმდეგ შემთხვევაში, ასეთ ფიზიკურად ძლიერ გუნდთან თამაში ძნელია. ზოგიერთმა ფეხბურთელმა თავისი შესაძლებლობების ზღვარს დაბლა ითამაშა.

ამიერიდან უკეთ ვარჯიშზე უნდა ვიფიქროთ, რადგან რაც დღეს ვაჩვენეთ, ჩვენს შესაძლებლობებზე დაბლაა. საუკეთესო ფორმაში დაბრუნება უნდა მოვახერხოთ“, - თქვა სპალეტიმ.

შეგახსენებთ, „ნაპოლი“ სერია A-ს 5-ქულიანი უპირატესობით ლიდერობს, მომდევნო ტურში კი 8 იანვარს, გენუის „სამპდორიას“ სტუმრად დაუპირისპირდება.