მილანის „ინტერის“ ყოფილმა მფლობელმა და პრეზიდენტმა მასიმო მორატიმ „ინტერისა“ და „ნაპოლის“ მატჩის წინ იტალიურ მედიასთან ისაუბრა. მან ასევე კომენტარი გააკეთა ხვიჩა კვარაცხელიაზე თქვა, რომ სერია A-ზე ისეთივე ეფექტი მოახდინა, როგორიც ბრაზილიელმა რონალდომ, როცა „ბარსელონადან“ „ინტერში“ გადავიდა.
„კვარაცხელიასა და ბრაზილიელ რონალდოს შორის მსგავსება? ისინი განსხვავებული ფეხბურთელები არიან, მაგრამ ეფექტი, რომელიც სერია A-ზე მოახდინეს, მსგავსია. თუმცა, რონალდო იტალიაში როგორც დიდი ფეხბურთელი ჩამოვიდა და მისგან უკვე ელოდნენ იმას, რაც გააკეთა. ქართველს ვუსურვებ, რომ ბრაზილიელი რონალდოს დარი კარიერა ჰქონდეს. ის თავისი უნარებით „ნაპოლის“ გამარჯვებებისთვის გადამწყვეტი მოთამაშე იქნება.
„ინტერთან“ „ნაპოლიდან“ ყველაზე სახიფათო მოთამაშეები? ქართველი და ოსიმენი, უდავოა. ამ ორ ფეხბურთელს „ინტერთან“ მატჩის ბედის გადაწყვეტა ყველაზე მეტად შეუძლიათ“, - თქვა მორატიმ.
შეგახსენებთ, „ინტერისა“ და „ნაპოლის“ მატჩი 4 იანვარს, თბილისის დროით 23:45 საათზე გაიმართება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
აღმაშფოთებელია რაც რუსულენოვან რაგბის საიტზე rugger.info -ზე ხდება ამ დღეებში. თელ-ავივის გუნდთან ენისეი-სტმ წაგების შემდეგ რუსული ჭკუა დაკარგული ფანობა პირდაპირ ლანძღვაზე და ეთნიკური სახის შეურაცხობაზე გადავიდნენ. ჯერ იმას განიხილავდნენ, რომ საქართველო და ისრაელი აზიააო და რატომ თამაშობენ ევროპაშიო და პარალერულად ღირსების შემლახავი სიტყვებით "ამკობენ" ჩვენს ერს. მე, არ ვარ ამ საიტის გამომწერი, მაგრამ დრო და დრო შევდივარ ხოლმე და ვკითხულობ სტატიებს და გულშემატკივრების კომენტარებს. მახსოვს როგორი "პრინციპულობით" რეაგირებდა ხოლმე საიტის ადმინისტრაცია, როცა ქართველი საიტის გმომწერები რუსი გუშემატკივრის თავხედურ კომენტარებზე საპასუხოდ ოკუპაციის თემაზე და რუსულ შოვინიზმზე ჩამოაგდებდნენ ხოლმე საუბარს. მაშინვე ადმინის მიერ გაფრთხილება მოყვებოდა ხოლმე; რომ ეს რაგბის საიტია და არა სარაგბო თემებზე საუბრისგან და ერთმანეთის შეურაცხმყოფელი მიმართვებიდან თავი შეეკავებინათ, თორემ სიტს დაატოვებინებდნენ. შედეგად, rugger.info -ს შეფარული შოვინიზმის და ტენდეციურობის გამო ბევრმა ქართველმა დატოვა საიტი. ორი დღეა ვაკვირდები, მაგრამ საიტის ადმინისტრაცია ყურსაც არ იბერტყავს მათ საიტზე ჩვენი ქვეყნის შეურაცხმყოფელ განნცხადებებზე. მოვითხოვ, თუ ეროვნული ღირსება კიდევ შერჩენია შესაბამის სტრუქტურებს დაბლოკილი იქნეს ეს საიტი და ქართულმა მხარემ ყველანაირი თანამშრომლობა შეწყვიტოს ამ ფაშისტურ საიტთან. ამავე დროს მივმართავ rugger.info -ს ქართველ გამომწერებს დატოვონ ეს საიტი და ეს ფაშისტური პუბლიკა მარტო თავის თავთან. კმარა, გეყოფათ ამდენი შეურაცხობის მოთმენა ! ! !