„ალ-ნასრის“ მთავარ მწვრთნელ რუდი გარსიას კრიშტიანუ რონალდუს ტრანსფერზე ჰკითხეს, რაზეც ფრანგმა სპეციალისტმა ხუმრობით უპასუხა და თქვა, რომ მანამდე ლიონელ მესის დამატებას ცდილობდნენ.
„რონალდუს ტრანსფერამდე პირდაპირ დოჰადან მესის ჩამოყვანას ვცდილობდით“, - იხუმრა გარსიამ, რასაც საპრესკონფერენციო დარბაზში სიცილი მოჰყვა.
შეგახსენებთ, კრიშტიანუ რონალდუმ „ალ-ნასრთან“ კონტრაქტი 2025 წლის ზაფხულამდე გააფორმა და სეზონში მისი ხელფასი 200 მილიონი ევრო იქნება. აღსანიშნავია, რომ საუდის არაბეთის კლუბს აქტიურად უკავშირებენ სერხიო ბუსკეტსა და სერხიო რამოსს.
