კალათბურთი

2:20 | 30.12.2022 | ნანახია [] - ჯერ

შერმადინის 12 ქულა და "ტენერიფეს" გამარჯვება ლიგა ენდესაში

ესპანეთის ლიგა ენდესას მე-13 ტურში გიორგი შერმადინის „ლენოვო ტენერიფემ“ „გრანადას“ უმასპინძლა და ადვილად, 98:66 დაამარცხა.

კანარიელებმა პირველივე პერიოდში 18-ქულიანი უპირატესობა მოიპოვეს, რაც ხელიდან აღარ გაუშვიათ და ორმატჩიანი წაგებების სერია შეწყვიტეს.

შერმადინმა 17 წუთში 12 ქულა და 4 მოხსნა მიითვალა. გიორგიმ 6-დან 4 ორქულიანი და 4-დან 4 საჯარიმო ჩააგდო, მისი მარგი ქმედების კოეფიციენტი კი 21-ს გაუტოლდა, რაც მეორე საუკეთესო მაჩვენებელი იყო.

„ლენოვო ტენერიფე“ 10 მოგებით და 3 წაგებით სატურნირო ცხრილში მეორე ადგილზეა, მომდევნო შეხვედრას კი 6 იანვარს, „მურსიასთან“ გამართავს.

სარეკლამო ადგილი - 23
250 x 500
0.117713