დონეცკის „შახტარის“ გენერალურმა დირექტორმა სერგეი პალკინმა გიორგი გოჩოლეიშვილის ტრანსფერზე ისაუბრა. როგორც მან თქვა, ქართველი ფეხბურთელი „შახტარის“ სტილს შეესაბამება.
„ერთი ტრანსფერი უკვე განვახორციელეთ და „საბურთალოდან“ ქართველი მცველი გიორგი გოჩოლეიშვილი დავიმატეთ, რომელიც ჩვენი სტილისთვის შესაფერისია - სწრაფი, ტექნიკური, შეტევაში აქცენტით. დანარჩენი ტრანსფერები კი ბევრ რამეზე იქნება დამოკიდებული, მათ შორის გუნდიდან წამსვლელებზეც“, - თქვა პალკინმა.
შეგახსენებთ, რომ გიორგი გოჩოლეიშვილი „შახტარს“ 1 იანვრიდან შეუერთდება და უკრაინულ გუნდში ითამაშებს.
