მადრიდის „რეალის“ მთავარმა მწვრთნელმა კარლო ანჩელოტიმ ბრაზილიის ნაკრებში მის შესაძლო დანიშვნაზე ისაუბრა და როგორც აღნიშნა, მას „რეალში“ დარჩენა სურს.

„არ ვიცი, არავინ დამკავშირებია ბრაზილიის ფეხბურთის ფედერაციიდან. უბრალოდ, მადრიდის „რეალში“ დარჩენა მინდა, ამ კლუბიდან წასვლის შესახებ ხელმძღვანელობას არასდროს ვთხოვ“, - თქვა ანჩელოტიმ.

შეგახსენებთ, რომ კარლო ანჩელოტის „რეალთან“ კონტრაქტი 2024 წლის ზაფხულამდე აკავშირებს. ბრაზილიის ნაკრები ტიტეს გადადგომის შემდეგ უმწვრთნელოდაა.