კარიმ ბენზემას ყოფილმა აგენტმა კარიმ ჯაზირიმ დიდიე დეშამს კითხვით მიმართა, რატომ გაუშვა ის გუნდიდან მუნდიალის დაწყებამდე, როცა ბენზემას მერვედფინალური ეტაპიდან თამაში შეეძლო.
„სამ ორთოპედს ველაპარაკე და ყველამ დამარწმუნა, რომ კარიმს მერვედფინალიდან თამაში შეეძლო. რატომ დააბრუნეს ის შინ ასე ადრე?“, - დაწერა ჯაზირიმ.
შეგახსენებთ, რომ კარიმ ბენზემა მსოფლიოს ჩემპიონატის განაცხადში იყო, მაგრამ ტურნირის წინ მიღებული ტრავმის გამო მან შეკრება დატოვა.
ბოლო პერიოდში არაერთი ინფორმაცია გავრცელდა, რომ ბენზემას ნაკრებში ყოფნის წინააღმდეგი რამდენიმე ფეხბურთელი იყო, მათ შორის ანტუან გრიზმანი და უგო ლორისი. ფრანგმა თავდამსხმელმა მუნდიალის შემდეგ სანაკრებო კარიერის დასრულებაზეც გააკეთა განცხადება.
