ფეხბურთი

11:49 | 26.12.2022 | ნანახია [] - ჯერ

girondins4ever: "ხანდახან ჩვენს თავს ვეუბნებით, რომ დავითაშვილის სახით პატარა ბრილიანტი აღმოვაჩინეთ"

ფრანგულმა გამოცემა girondins4ever.com-მა, რომელიც ,,ბორდოს" გულშემატკივრების საიტია, ქართველ შემტევს, ზურიკო დავითაშვილს სტატია მიუძღვნა, რომელშიც ქართველი ფეხბურთელი დადებითად დაახასიათა.



,,21 წლის ქართველი შემტევი ზაფხულის სატრანსფერო ფანჯრის ბოლო მომენტში გადმოვიდა. ეს მოულოდნელი იყო, რადგან იგი საზოგადოდ ცნობილი არ იყო. იგი ნაკრების ფეხბურთელია, რომლის მთავარი მწვრთნელიც ,,ბორდოს" ყოფილი დამრიგებელი, ვილი სანიოლია და ის ჩვენს გუნდში არენდით, ,,დინამო ბათუმიდან" იმყოფება."

,,ბორდო" ფლანგების გაძლიერებას ცდილობდა და ეს მოახერხა კიდეც. პატარა ქართველი ძალიან კარგი დრიბლიორი გამოდგა, იგი ძალიან მოქნილია და ბურთთან კარგად მეგობრობს. ერთი რაც შეიძლება მას დავუწუნოთ, ეს დაბოლოებაა. ხანდახან თავს მაღლა არ სწევს და გარშემომყოფების სიტუაციის შეფასება ავიწყდება"

,,ფეხბურთელი ჟირონდინელთა რიგებში კარგი განზრახვებით მოვიდა. მას უკვე ჰქონდა ევროპულ დონეზე დაგროვებული გამოცდილება. მას ,,დინამო თბილისში", ,,რუბინში" და ტულის ,,არსენალში" აქვს ნათამაშები სხვა გუნდებთან ერთად"

,,მისი სეზონის დასაწყისი ელვისებური იყო, იმიტომ, რომ პირველივე შეხვედრაში, როდესაც მოედანზე გამოჩნდა, ,,დიჟონის" წინააღმდეგ გამარჯვების გოლი გაიტანა, რომელმაც მთელი სტადიონი ფეხზე წამოაყენა. მომდევნო მატჩში, ,,ლავალის" წინააღმდეგ, მისმა პასმა გადამწყვეტი გოლი გაატანინა თანაგუნდელს. ჩვენ ხანდახან ჩვენს თავს ვეუბნებით, რომ პატარა ბრილიანტი აღმოვაჩინეთ. გუნდთან ერთად მას ეროვნულ ნაკრებშიც დიდი როლი უჭირავს.. მისი საქართველო ერთა ლიგის B დივიზიონში აღზევდა. ბოლო პერიოდში, დავითაშვილი ცოტა უფრო ფრთხილი გახდა, ისევე როგორც მთელი გუნდი, თუმცა ეჭვგარეშეა, რომ ის სწრაფადვე დაუბრუნდება თავის ფორმას, ამის თქმის საფუძველს კი განსაკუთრებით ამხანაგური მატჩების დროს ნაჩვენები მისი კარგი თამაში გვაძლევს" - წერია ვებ-გვერდზე.

0.102361