THE MIRROR-ის ინფორმაციით, ფრენკი დე იონგმა ერიკ ტენ ჰააგს შეატყობინა, რომ ,,მანჩესტერ იუნაიტედში" გადასვლა სურს და ამ ტრანსფერით ბედნიერი იქნება.



,,წითელი ეშმაკები" ,,ბარსელონას" ნიდერლანდელი ფეხბურთელის გადაყვანას გასულ ზაფხულსაც აქტიურად ცდილობდნენ, თუმცა რამდენიმე მიზეზის გამო, აღნიშნული ტრანსფერი არ შედგა.

ტრანსფერის განხორცილება ,,მანჩესტერ იუნაიტედის" მთავარ მწვრთნელს, ერიკ ტენ ჰააგსაც ძალიან სურს. ნიდერლანდელი სპეციალისტი დე იონგს ,,აიაქსში" წვრთნიდა და მასთან ერთად წარმატებასაც მიაღწია. გავრცელებული ინფორმაციით, დე იონგმა ტენ ჰააგს პირად საუბარში უთხრა, რომ სიამოვნებით შეუერთდებოდა მას ოლდ ტრაფორდზე.

ფრენკი დე იონგი ,,ბარსელონას" აიაქსიდან 2019 წელს შეუერთდა. ამ პერიოდში დე იონგმა ,,ბლაუგრანას" მაისურით 157 მატჩი ჩაატარა და 15 გოლი გაიტანა. დე იონგმა ნიდერლანდებთან ერთად კატარის მუნდიალზეც ითამაშა, თუმცა არგენტინის ნაკრებთან მეოთხედფინალურ შეხვედრაში პენალტების სერიაში დამარცხდა.