არგენტინის ნაკრების ლიდერმა, ლეო მესიმ ხორვატიასთან მოგებული მატჩის შემდეგ განაცხადა, რომ მომავალ მუნდიალზე თამაშის შანსი თითქმის არ არსებობს.



,,ძალიან მოხარული ვარ, რომ მსოფლიო ჩემპიონატებზე ჩემს მოგზაურობას ფინალით ვასრულებ და ჩემი ბოლო შეხვედრა ასეთი მნიშვნელობის იქნება. ამის ძალიან მადლიერი ვარ. ყველაფერი, რაც ამ მსოფლიო ჩემპიონატზე გამოვცადე, ემოციური იყო."

,,ამ მსოფლიო ჩემპიონატიდან მომდევნომდე ბევრი წელია, თუმცა არ მგონია, რომ კიდევ ვითამაშებ. ასე დასრულება ძალიან კარგი იქნება" - განაცხადა მესიმ.

ლეო მესი არგენტინის ნაკრებში თავის მეხუთე მსოფლიო ჩემპიონატს ატარებს, თუმცა მას ეს ტიტული არასდროს მოუგია. კატარის მუნდიალზე მესის ანგარიშზე 5 გოლი და 3 შედეგიანი გადაცემაა. არგენტინა ფინალში საფრანგეთსა და მაროკოს შორის გამარჯვებულს დაუპირისპირდება. ეს შეხვედრა დღეს, 14 დეკემბერს, 23:00 საათზე გაიმართება.