არგენტინის ნაკრების ფეხბურთელმა ლიონელ მესიმ ხორვატიასთან მატჩის შემდეგ კომენტარი გააკეთა. როგორც მან აღნიშნა, ძალიან ამაღელვებელი და გიჟური განცდებით სავსეა.
„ბევრ რამეს ვგრძნობ, ძალიან ამაღელვებელია ამ ყველაფრის ყურება. ასეთი ხალხის და ჩემი ოჯახის ნახვა მსოფლიოს ჩემპიონატის დროს წარმოუდგენელია. წინ ბოლო მატჩი გვაქვს, რაც გვინდოდა. არ ვიცი ჩემი საუკეთესო მუნდიალი არის თუ არა, დიდი ხანია სიამოვნებით ვთამაშობთ. დარწმუნებული ვიყავით ამ გუნდის შესაძლებლობებში, ვიცით რა შეგვიძლია და ხალხს ვთხოვთ, რომ ჩვენი დაიჯერონ.
რამდენიმე რთული სიტუაცია გამოვიარეთ, რამდენიმე ძალიან ლამაზი მომენტიც. დღეს რაღაც საოცარ მომენტს განვიცდით, აქაც და არგენტინაშიც. ეს გიჟურია. ვიცოდით, რომ საუკეთესოები და ფავორიტები არ ვიყავით, მაგრამ ისიც ვიცოდით, რომ არავის არაფერს დავუთმობდით. ეს დავამტკიცეთ, არგენტინა კვლავ მსოფლიოს ჩემპიონატის ფინალშია და ახლა ამ მომენტით უნდა ვისიამოვნოთ“, - თქვა მესიმ.
შეგახსენებთ, რომ არგენტინის ნაკრები მსოფლიოს ჩემპიონატის ფინალში ისტორიაში მეექვსედ გავიდა.
